Wenn Woate fehln, weil Buida fehln.
Staun i oft und wünsch ma stad.
Talent fia Woate, Buida, dera Seeln.
So des i solchs a schoffa daad.


Wenn Woate fehln, weil Buida redn.
Staun i oft und wünsch ma stad.
Schee waarad 's, i wär a Rechn.
So des i Laub draus fangn daad.


Wenn Woate fehln, weil Buida schweign.
Staun i oft und wünsch ma stad.
A Roß zum Rengbogn reidn.
I do de Stimma, findn daad.


Wenn Woate fehln, weil Buida woina.
Staun i oft und wünsch ma stad.
Wär i grod etz, bei de meina.
So des i Dräna droggna daad.


Wenn Woate fehln, wenn Buida lachn,
Staun i oft und wünsch ma stad.
Mei Kind zrugg und a oide Sachn.
Weil de Zeid ned bleim daad.


Wenn Woate fehln, weil Buida singn.
Staun i oft und wünsch ma stad.
Schbui ma aa de leisn Geign.
So des dei Liad vastehn daad.


Wenn Buida schwatzn im helln Liachd.
Staun i oft und wünsch ma stad.
Wia schä wär,s grad, i wär a Spatzerl.
Des in,s Liacht nei fliangn daad.


Sept. 2020

Mark Steven Patrick